1. Gomendagarria da HTTP beharrean HTTPS erabiltzea, baita informazio garrantzitsurik erabiltzen ez duten zerbitzuetarako ere.

2. Ez sartu kontu pertsonaletan Tor-en bidezko nabigatzaileen pribatutasun-moduan.

3. Erabili beti nabigatzaile eguneratua. Gaur egungo nabigatzaile nagusiak automatikoki eguneratzen dira, erabiltzaileak gardenki ikusteko moduan zein onetsi beharreko jakinarazpenen bitartez. Sistema eragilearen eguneraketa automatikoak gaituta egon behar dira.

4. Garrantzitsua da ziurtatzea informazio garrantzitsua daukaten HTTPS zerbitzuek (hala nola posta-zerbitzuak, banka elektronikoa, etab.) bidalitako egiaztagiriek konfiantzazko CA batek igorri dituela.

5. Egiaztatu pluginak eta luzapenak automatikoki eguneratzeko konfiguratuta daudela. Halaber, bermatu osagarri horiek iturri fidagarrietatik instalatzen direla eta aldian-aldian berrikusi arriskuan ez daudela.

6. Aintzat hartu luzapenak edo osagarri gehigarriak erabiltzeko aukera nabigatzaileak ez dituen funtzionalitateak ezartzeko.

7. Gomendagarria da nabigatzailea eta pluginak exploitetatik eratorritako eraso posibleen aurrean babestea exploiten aurkako konponbideekin.

8. Gomendagarria da zenbait plugin desgaitzea, hala nola Adobe Flash eta Java. Erabiltzaileak nahi duenean gaitu ahal izango ditu ezagutzen dituen konfiantzazko zerbitzuetarako. Horrez gain, gomendagarria da webgune ezezagunetan nabigatzeko JavaScript desgaitzea (betiere webgunea normal erabiltzeko beharrezkoa ez bada).

9. Gomendagarria da nabigatzailearen bidez pasahitzik ez gordetzea eta kudeaketa-lan horretarako tresna seguruagoak erabiltzea (adibidez, zifratze sendoa erabiltzen duten pasahitz-kudeatzaileak).

10. Gomendagarria da nabigatzailearen segurtasun- eta pribatutasun-aukerak berrikustea. Gaur egun, nabigatzaileek neurri oso interesgarriak dituzte, esaterako, hirugarrenen cookieak ez onartzea, laster-leihoak blokeatzea, pasahitzak sinkronizatzea saihestea, testua bere kabuz osatzea saihestea eta behin-behineko fitxategiak eta cookieak ezabatzea.

Iturria: CCN-CERT

DESKARGATZEKO DOKUMENTUA: 10 aholku INFOGRAFIA