Erakunde honetan uste dugu eraldaketa handiak egiteko galdera sendoak egin behar direla. Oraingoan hauxe izan zen galdera: Zein lidergo-eredu nahi dugu etorkizunerantz aurrera egiteko eta toki-erakundeei zerbitzurik onena emateko?

Hausnarketa hori ez zen ezerezetik sortu. ANIMSAK IRITZIA DU izeneko inkestatik sortu zen, zeinaren bidez gure lankideek mezu argi bat helarazi ziguten: oso garrantzitsua dela modu kohesionatuan lan egitea, gure artean hobeto komunikatzea eta gure egunerokoan lidergoa jorratzeko daukagun modua aztertzea. Entzuteko eta jarduteko unea izan zen.

Premisa horrekin, eta AGORA aholkularitzaren laguntzarekin, ekimen bat baino askoz gehiago izan den proiektu bat abiarazi genuen; izan ere, aukera eman digu elkarri begiratzeko, elkarri entzuteko eta elkarrekin lidergo-modu bat eraikitzeko, zeinak koherenteagoak eta bizkorragoak izaten eta, batez ere, giza ingurune bat sortzen lagunduko digun.

Partaidetza eta lankidetza oinarri dituen proiektua:

Beste batzuetan ez bezala, proiektu honetan ahotsa eman diogu, ez bakarrik negozioaren jarraipen batzordeari, baita egunerokoan proiektuak kudeatzen dituztenei ere. Haien ikuspegia, esperientzia eta erronkak funtsezkoak direlako erakundea nola gidatu nahi dugun definitzeko.

50 pertsonak baino gehiagok parte hartu zuten proiektuari forma eman zioten lau saioetan. Elkarrizketarako, hausnarketarako eta eraikuntza kolektiborako espazioak izan ziren, non ideiak, kezkak eta proposamenak partekatu genituen.

Zer lortu nahi dugu eredu honekin?

Gure helburua argia da: inspiratzeko, konektatzeko eta konfiantza sortzeko lidergoa. Modu kohesionatuagoan lan egiten lagunduko digun lidergoa behar du izan, komunikazio irekia sustatu eta lantaldeen arteko lankidetza bultzatuko duena. Laguntza ematen duten, entzuten duten eta pertsonen garapena sustatuko duten liderrak nahi ditugu.

Eredu hau ez da errezeta itxi bat: zer garen eta zer izan nahi dugun islatzen duen duen gida bat da. Ahots askoren, ikuspegi desberdinen eta guztiok partekatzen dugun konpromiso baten emaitza da: elkarrekin aurrera egitearen konpromisoa, hain zuzen.

Eta orain zer?

Proiektuaren azken fasean murgilduta gaude orain: Lidergo Eredua ixtea eta azken saioan aipatutako proposamen eta ekintza guztiak barne hartzea. Itxiera horrek ez du esan nahi proiektua amaitu denik, baizik eta hasiera emango diogula guztion artean egin beharreko bideari. Lidergoa ez baita agintzen, egin egiten da. Eta eredu hau egia bihurtu dadin, gutako bakoitzak eredua bere egitea behar dugu, eredua bete dezala eta gure kulturaren parte bihur dezala.

Esker on berezia

Proiektu honetan parte hartu duten guztiei eskerrak eman nahi dizkiegu, gure erakundea ordezkatuko duen zerbait eraikitzeko denbora, energia eta konpromisoa hartu izanagatik. Eskerrik asko zuen ideiengatik, zintzotasunagatik eta aurrera begiratzeko agertu duzuen gaitasunagatik.