Dagoeneko, urteetan zehar, ANIMSAk 162 webgune sortu ditu Nafarroako 148 entitate publikorentzat. 2025ean 7 webgune argitaratu ziren eta, 2026an, hilabete hauetan, webguneak jarri dira martxan Eguesibar, Alesbes eta Oronozko udalentzat eta Los Arcos aldeko Gizarte Zerbitzuen Mankomunitatearentzat.

Webguneak sortzeaz gain ANIMSAk prestakuntza eskaintzen die erabiltzaileei, Erabiltzaileentzako Arreta Zerbitzuaren bidez laguntza ematen die, eta webguneak mantentzeaz arduratzen da; azken lan horren barruan sartzen dira ostatua, WordPressen eguneratzeak eta erakunde bakoitzaren beharretara egokitutako pluginen bilaketa eta txertaketa (funtzionaltasunak).

Bezero bakoitzaren beharretara egokitutako produktuak

ANIMSAren web-produktuen eskaintza udalerriaren tamainara (biztanle kopurua) eta webgunea kudeatzeko eta eguneratzeko eskuragarri dauden giza baliabideetara egokitzen da.

ANIMSAk eskaintzen dituen web-produktuetan bi ildo nagusi bereiz daitezke: web atariak eta blogak. Bi produktuen arteko desberdintasun nagusia kudeaketa eta edukiaren bolumena dira. Blogak informazio gutxiago gordetzeko pentsatuta daude eta horrek nabarmen errazten du webgunearen mantentzea eta administrazioa.

Beste alde garrantzitsu bat nabigazio-egituran dago. Erakunde handienek informazioa orri eta atal gehiagotan banatu behar izaten dute. Ildo horretatik, web-atariek maila-mugarik gabeko nabigazio-egitura ahalbidetzen dute; blogek, berriz, gehienez bi nabigazio-maila onartzen dituzte.

Gaur egun blogen lineak Mi Pueblo 2.0 eta Blog de Servicios blogak barne hartzen ditu, azken hori Kultura edo Kirolak bezalako arlo espezifikoei protagonismo handiagoa eman nahi dieten erakundeentzat pentsatua. Beste alde batetik, web-atarien linearen barruan, gaur egun, Blokeak ataria eskaintzen da. Horri esker entitateek eskura dituzte diseinu bereizia, pertsonalizagarria, aldatzeko erraza, malguagoa eta ikono ugariduna.

Informazio gehiago: gestiondecuentas@animsa.es