AUNA-Sedipualb@ irtenbidearen erabiltzaileen arteko lankidetza-gune bat da, etengabeko hobekuntza sustatzeko, ezagutzak partekatzeko eta zalantzak argitzeko, ingurune parte-hartzaile eta ireki batean.

Administrazio Elektronikoaren AUNA-Sedipualb@ tresna Nafarroako 150 toki-erakundetan baino gehiagotan bi urtez ezarri ondoren, ANIMSAk uste du oso beharrezkoa dela ekimen hau abian jartzea, udalek, mankomunitateek eta, oro har, erakundeek esperientziak parteka ditzaten, beren arazoetarako metodo eta irtenbide egokienak landu ditzaten eta plataforman sartutako azken hobekuntzak ezagut ditzaten.

AUNA FOROA ANIMSAko langileek eta irtenbidearen erabiltzaile diren erakundeetako LAGUNTZAILEEK osatuko dute. Talde horrek jardunbide egokiak jasoko ditu, gai interesgarriak aukeratuko ditu eta “Erabilera-kasuen fitxak” sortzen lan egingo du, ideia horiek gainerako erakundeetan ezartzeko modua deskribatzeko.

Talde horretan, AUNA-Sedipualb@n ezarritako hobekuntzak ere berrikusiko dira, eta beste autonomia-erkidego batzuetako erabiltzaileekin harremanetan egongo dira, ideiak eta ikaskuntzak trukatzeko.

AUNA Foroak INTERESA DUTEN PERTSONEN komunitate oso bat izango du. Pertsona horiek Foroan izena eman beharko dute, prestatutako informazio guztia eskuratzeko eta programatutako zabalkunde-bileretara joateko.

AUNA plataforma erabiltzen ari bazara eta foro honetan INTERESDUN gisa parte hartu nahi baduzu informazioa eskuratzeko edo lantaldeko LAGUNTZAILE izan nahi baduzu, ANIMSAren egoitza elektronikoaren bidez edo esteka honen bidez eman dezakezu izena.