ANIMSAri egindako euskarri-eskariak online egin eta jarraitu ahalko dira ohiko estekaren bidez: Euskarri-formularioa. Telefonoaren edo posta elektronikoaren bidez zuzenean kontaktatzeko aukera mantenduko da.

Formulario berriaren berrikuntza nagusia honako hau izango da: cl@ve edo ziurtagiri digital bidezko identifikazioa beharrezkoa izango da. Neurri horren bidez segurtasuna indartu nahi da, datu pertsonalen babesa eta eskatzailearen benetakotasuna bermatzeko.

Sistema berriaren bidez tiket zenbaki bat sortzen da eskariaren egoera kontsultatu, dokumentazioa gehitu edo informazioa jasotzeko telefonoaren edo posta elektronikoaren bidez.

Euskarriaren kudeaketa arinagoa eta seguruagoa

Formularioa ohiko estekan egongo da eskuragarri (https://www.animsa.es/soporte-a-usuarios-as/). Hala ere, une honetatik aurrera, formulario berriak cl@ve edo onartutako ziurtagiri digital bidezko sarbidea eskatuko du..

Aldaketa horrekin aurrerapauso handia emango da zerbitzuaren digitalizazioan, izan ere, “Eskaera berria” aukera berriaren bidez formularioa bete ostean, tiket zenbaki bat sortuko da. Horren bidez, erabiltzaileak bere eskariaren egoera jarraitu, onartzeko zain dagoen bitartean dokumentazio gehigarria erantsi edo posta elektroniko zein telefono bidez eguneraketak jaso ahalko ditu.

Behin eskaria erregistratuta, Erabiltzaileen Arreta Arloak egingo du kudeaketa: eskaria sailkatu eta horren ebazpena egiteko eskumena duen sailari bidaliko dio.

Zergatik da orain identifikazio digitala beharrezkoa?

Identifikazio elektronikoak zenbait arau-, teknologia- eta segurtasun-faktoreen konbinazioari erantzuten dio.

• Legea betetzea: Administrazio Prozedura Erkidearen 39/2015 Legeak eta Europar Batasuneko eIDAS Erregelamenduak sustatu eta arautu egiten dute Administrazioarekin harremanetan jartzeko bide elektronikoen erabilera, benetakotasun eta baliozkotasun juridikorako estandarrak ezarrita.
• Datu pertsonalen babesa: Datuak Babesteko Erregelamendu Orokorra (DBEO) betetzeko ezinbestekoa da bermatzea soilik interesdunak eskuratu eta alda dezakeela informazio sentibera.
• Iruzurren prebentzioa: Akreditazio digitalak identitatea ordezkatzeko arriskua gutxitu eta eskari faltsuak aurkeztea ekiditen du.
• Aurrerapen teknologikoak: Cl@ve tresnaren eta antzeko beste batzuen zabalkundeak eta ziurtagiri digitalen erabilerak betekizun horiek ezartzea ahalbidetzen du erabiltzaileari oztopo tekniko handirik eragin gabe.

Euskarri-eskariak bidaltzeko sistema berri horrek aurrerapausoa dakar kudeaketa publiko seguruago, efizienteago eta gardenago bat lortzeko bidean, eta indartu egiten du informazioaren babesa eta bide digitalekiko konfiantza.