Iruñeko eta Lodosako udalek 1985eko ekainaren 7an sortu zuten ANIMSA, informatika-zerbitzua zuzenean kudeatzeko bitarteko gisa, eta 40 urte bete ditu Nafarroako toki-administrazioen eraldaketa digitalaren eragile nagusietako bat bihurtu zenetik.

Gaur egun, 199 toki-erakunde daude ANIMSAren akziodunen artean, eta bere beharretara egokitutako IKT zerbitzu berriak eskaintzen jarraitzen du. Gainera, 2023az geroztik, tokikoak ez diren Nafarroako beste administrazio publiko batzuk ANIMSAn sar daitezke, besteak beste, Nafarroako Hiri Hondakinen Tratamendurako Partzuergoa. Horren guztiaren ondorioz, Foru Erkidegoko biztanleen % 78k zuzenean edo zeharka ANIMSAk emandako zerbitzu publikoak jasotzen dituzte.

Disketetik hodeira
Azken lau hamarkadetan aurrerapen teknologiko garrantzitsuak gertatu dira, gutxi gorabehera iragankorrak, hala nola mende-aldaketa bat, legedi berria, baita pandemia bat ere. Horiek izan dira erakundearen historiaren ezaugarri, eta hemen jasotzen dira:

Etorkizuneko erronkak
Lau hamarkadako zerbitzuaren ondoren, eta egindako bideak ematen duen esperientziarekin, ANIMSAk erronka berriei aurre egingo die etorkizunean. Ziur zibersegurtasuna izango dela horietako bat, zibermehatxuak ugaritzen ari diren honetan. Dagoeneko hasita dagoen beste bide bat da Adimen Artifiziala txertatzea irtenbideak garatzeko, udal-kudeaketako prozesuak automatizatzeko eta herritarrei zerbitzuak emateko.

Gainera, administrazioen arteko komunikazioa eta datu-trukea ahalbidetuko duten sistemekiko elkarreragingarritasuna sustatuko da, datuen eskuragarritasuna eta segurtasuna bermatuko duten hodeiko soluzioak eskainiko dira, eta baliabideak optimizatzea ahalbidetuko duen zerbitzuen zeharkako ikuspegian sakonduko da.

Erronka horiei eta beste batzuei aurre egiteko, ANIMSAK ezagutza eta esperientzia zabaleko plantilla konprometitua du. Hura zaintzea, beraz, erakundearen etorkizunerako funtsezkoa da. Horregatik, datozen urteetan ANIMSA osatzen dugun pertsonak zaintzera bideratutako ekimenak garatuko dira, lan ingurune osasuntsu bat mesedetzeko, ezagutza indartzeko eta belaunaldien arteko txanda eta talentu berria sartzea errazteko.

Modu honetan, elkartutako 199 toki entitateen eraldaketa digitalean aurrera egiten jarraitzea espero dugu, eta etorkizunean beste erakunde berri batzuk gehitzea espero dugu.