Erakundeak Adimen Artifiziala erabiltzeko politika onartu du

ANIMSAn Adimen Artifizialaren erabilera arduratsuaren aldeko apustua egiten dugu, eraginkortasuna hobetzeko, prozesuak optimizatzeko eta eskaintzen ditugun zerbitzuen kalitatea hobetzeko laguntza-tresna gisa. Erakundeak onartu duen AIren Erabilera Politika berriak esparru komun bat ezartzen du teknologia horiek modu seguruan, etikoan eta giza ikuskaritzapean erabiliko direla bermatzeko, indarrean dagoen araudiarekin bat.

Politika honek arreta berezia jartzen du datuen babesean eta informazioaren konfidentzialtasunean. Horregatik gogorarazten da oso garrantzitsua dela baimendu gabeko AI tresnetan datu pertsonalik edo informazio sentikorrik ez sartzea eta, era berean, tresnak zer lizentzia motarekin eta zer baldintzatan erabiltzen diren jakitea, tresna guztiek ez baitituzte berme berak eskaintzen pribatutasunari, biltegiratzeari edo informazioa berrerabiltzeari dagokienez. Gainera funtsezkoa da erabili aurretik sortutako edukiak beti berrikustea, edozein erabaki edo dokumenturen azken erantzukizuna pertsonei baitagokie.

AIren Erabilera Politikak, aldi berean, tresna hauek eguneroko lanean erabiltzeko esparru argia eta komuna eskaini nahi du. Horrekin ANIMSAk Adimen Artifizialaren erabilera segurua, praktikoa eta arduratsua bultzatu nahi du, berrikuntza sustatuz baina informazioaren babesa eta pertsonen irizpide profesionala ahaztu gabe.

Jarraibide honen xedea ANIMSAn baimendutako Adimen Artifizialeko sistemak definitzea da, bai eta erabilitako informazioaren sentikortasun-mailaren arabera erabiltzeko baldintzak ezartzea ere, datuen babesa, informazioaren segurtasuna eta indarrean dagoen araudia betetzen dela bermatuz.

AIren Erabilera Politikaren osagarri eta garapen gisa, bi jarraibide garatu dira ANIMSAko langileentzat, laguntzaileentzat, hornitzaileentzat eta baimendutako hirugarrenentzat: batek baimendutako AI sistemak eta erabilitako informazioaren sentikortasun-mailaren araberako erabilera-baldintzak aipatzen ditu eta, beste jarraibidea baimendutako sistemen katalogoan jasota ez dauden AI sistema berriak eskatzeko, ebaluatzeko eta baimentzeko prozedurari buruzkoa da.

Erakunderen batek ANIMSAren AA politika jaso nahi badu, gestiondecuentas@animsa.es helbidean eska dezake.