Hainbat aldaketa gertatzen ari dira gure gizartean, besteak beste, Informazioaren Gizartea gure inguruan inplantatzea, Internet bidezko eduki eta zerbitzu telematikoak gero eta gehiago izatea, eta 11/2007 Legea indarrean sartzea -herritarrek bitarteko elektronikoen bidez zerbitzu publikoetan sarbidea izateari buruzkoa-; horien ondorioz, udalek gizarte aldaketa horietan parte hartzeko beharra dute, eta, ez hori bakarrik, bultzatzeko beharra ere badute.

ANIMSAn uste dugu administrazio elektronikoak planteatutako erronka handiak soilik lortuko direla soluzio teknologiko integralak, sendoak eta iraunkorrak aplikatuz.

ANIMSAk modu kooperatiboan garatzen ditu soluzio teknologikoak bere entitate bezeroentzat, eta horiek erabat integratzen dituzte udalaren barne kudeaketako aplikazioak. Horretarako, kanal anitzeko plataformak erabiltzen dira edukiak eta zerbitzuak argitaratzeko, bai eta merkatuko teknologiak eta azpiegiturak ere, esaterako, sinadura elektronikoko soluzioak, alojamenduko baliabideak, WEB zerbitzuak, eta abar.