Animsak sortutako web proiektuak toki entitateei eskaintzen zaizkie, plataforma teknologiko komun baten barnean, hiru web mailatan. Horien bidez, herritarrekin eta enpresekin interaktuazioa egiteko eta edukiak argitaratzeko beharrei erantzutea bilatzen da.

• Oinarrizko web eredua: 28 oinarrizko web egin dira. Horiek egitura erraza dute, eta baliabide gutxi duten entitateei Interneten egoteko aukera ematen diete. Ez du mantentze-lanik behar, Animsak egiten baitu hori, urtean bi aldiz.
• Tarteko web eredua: 23 proiektu egin dira aurten. Egitura zabalagoa du eta funtzionalitate gehiago, eta entitateei autonomia izateko aukera ematen die euren webguneko informazioa eguneratzeko orduan.
• Web atariko eredua: web atarien 50 proiektu egin dira. Toki-entitaearen neurrira egindako egitura du eta eguneratuta egoteko aukera ematen du, webguneko egitura etengabe egokitu eta aldatzen baita.

100dik gora toki-entitate elkartu dira gurekin, eta horien web erreferenteek, teknikoek zein korporatiboek, plataforma honen zati garrantzitsuenetako bat osatzen dute; horrek, noski, esperientziak, beharrak eta jokabide zuzenak partekatzeko aukera ematen du.

Hona hemen plataformaren ezaugarri nagusiak: 

• Edukien kudeatzaile erraz bat, toki-entitatearen independentzia ziurtatzen duena.
• Diseinu orekatua, estetikaren eta nabigagarritasunaren zein erabilgarritasunaren artean.
• "-AA- bikoitzaren" erabilerraztasunaren mailarekin eraiki da proiektua.
• Tramitazio elektronikorako prestatuta dago. Udalaren webgunea da, gainera, udalen "Egoitza Elektronikoan" sartzeko atea, horixe baita Administrazio Elektronikoari buruzko 11/2007 Legearen eskakizunetako bat, herritarrak Internet bidez sartu ahal izateko.
• Etengabeko hobetze sistemak aukera ematen die plataformako kideei informazio eguneratua izateko, zerbitzu eta funtzionaltasunei dagokienez.