ERABILERRAZTASUNA

Hiru web maila, udal mota guztien beharrak asetzeko sortuak. Web ataria, tarteko webgunea eta oinarrizko webgunea; horiexek dira Nafarroako 101 udaletan inplantatutako webguneak, denak modu erabilerrazean eginak.

2006ko urtarrilaren 1ean sartu zen indarrean bitarteko telematikoei egokitutako araudia; horren arabera, herritarrek administrazio publikoetara duten sarbidea arautzen da, abenduaren 2ko 51/2003 Legeak xedatutakoaren arabera -aukeren berdintasunari buruzkoa da hori, eta urritasuna duten pertsonek erabateko sarbidea arautzen du, inolako bazterkeriarik gabe-. Hartara, araudi horietara egokitu zen plataforma.

Animsak egindako webguneek honako erabilerraztasun maila dute: -AA bikoitza-. Udalak hala nahi badu, webguneari arau horren araberako ziurtagiria ematen ahal zaio; izan ere, web ataria ereduko zenbait web horretarako prozesuan daude. Ziurtagiria emate hori Animsa eta Technosite egiten ari dira -azken hori ONCE fundazioko enpresa da-.

Udalen teknikariak eta Animsako teknikariak elkarlanean ari dira webguneen proiektuak behar bezala egiteko. Guztira, 290 erabiltzailek eguneratzen dute web atarietan eta tarteko webguneetan dagoen informazioa.

11/2007 LEGEA

Plataforma teknologikoa prestatuta dago ekainaren 22ko 11/2007 Legea garatzeko -herritarrek zerbitzu publikoetara duten sarbidea arautzen du horrek-. 2004tik, guztira, 279 aplikazio telematiko inplantatu dira 39 udalen webguneetan.

2010. urte honetan inplantatzeko fasean daude beste 82 aplikazio telematiko. 32 udalek sartuko dituzte, euren webguneetan, honako baliabide hauek:  webgunea tramitatzeko 19 aplikazio, 28 egoitza elektroniko, 19 erregistro elektroniko eta 16 aplikazio espedienteak elektronikoki kudeatzeko. 

ZIFRAK ETA GRAFIKOAK

• 50 web atari
  
• 23 tarteko web
• 28 oinarrizko web
• 303 domeinu kudeatu
• 290 pertsona prestatu dira edukien kudeatzailea erabiltzeko
• 279 aplikazio telematiko
• 82 aplikazio telematiko inplantatzeko prozesuan
• 2004 lehen aplikazio telematikoa
• 2006 lehen web erabilerraza
• 2010 erabilerraztasun-zigiluaren ziurtagiria lortutako lehen webgunea