Abaurregaina udalerriaren barruan Baigura (1477m) eta Areta (1366 m) mendien iparraldeko hegala dago. Hemen gailentzen den landaretza: pagoa; neurri txikiagoan haritz kandugabea eta pinu gorria. Hauetaz gain hurritza, elorri zuria, gorostia, ipar-ipurua, ezpela, izei gorria, garoa, makala, etab. ere aurki ditzakegu.

Ereindako patata (kalitate eta ospe handikoa), garia, oloa eta larredia lantzen dira.

Hegaztirik deigarrienak okil gibelnabarra (altxor ornitologikoa), txonta eta txantxangorria dira. Harrapari handietan, ugatza eta sai arrea. Ugaztunetan: oreina, orkatza, basurdea, urtxintxa, lepahoria, azeria, azkonarra, erbia. Ugaztun txikietan, muxarra, satitsua, satorra, etab.